A polisi ku Lilongwe amanga mnyamata wa zaka 21 Brian Banda pomuganizira kuti waba ndi kuononga ma meter ndi ma paipi a bungwe la Lilongwe Waterboard.
Mneneli wa polisi ya Lilongwe a Hastings Chigalu ati izi zachitika ku Chitedze mu mzindawu.
Iwo ati mkuluyu yemwe adali mlonda pa estate ya mkulu wina adachita izi ati pokwiya kuti bwana wake samamulipira.
Iwo ati amanga mkuluyu ali mkati mosakasaka nsika wa katunduyu ku Mtandire.
Brian Banda ndi wa m’mudzi mwa Mponda mfumu yaikulu Chikumbu m’boma la Mulanje ndipo akaonekera ku bwalo la milandu komwe akayankhe mlanduwu.
0 Comments